يارب قلب عاش حينا ينطوى
لا بد يوما من ان بالعشق يكتوى
بعد كثير تحلم ويسير قول فى الظلم
سيغشاهن فليس القلب يرتوى
قد قلبا بعد قلب زاهد
فى كل دنيا الا كتابا،منزوى
فياليت شعرى ماذا سيفعل ذا القلب بى
بعد خرج من دجى و ما قد ينتوى
بعد علم منه انى لست مقاوما
فلى روح ليس منى بالقوى

فى صحتك يا بلدى :
تاريخ مصر المتكرر

الجزء الأول


كان نفسى أشوفك محكومة بولادك
وخيرك داخل بطن احفادك
لكن الثورة ظبطت الدنيا
قضت على الفساد كله فى ثانية
شكرا


مفيش فايدة
الغباوة حتفضل سايدة
يخرب بيوتكم مليتو البلد،


الذمم المخروبة
و الادمغة "المركوبة"
والاصناف المضروبة
فى السوق زايدة.

مفيش فايدة

زمان الدنيا كانت بتاعتنا
و العالم دى كلها
كانت لاجئة فى بيتنا
يخلص زيتهم نديهم من زيتنا
و كنا معلمين ،
فلاحين و صعايدة

بس مفيش فايدة

طلعلنا ناس كدة من برة
ابكى يا بلدى دموعا حارة
الدنيا يا بلدى بقت لك ضرة
باصة عليكى و منك رايدة

الدنيا أهى بتقطع ليها
و توزع منك حتة عليها
و حتة عليها عقد مقايضة

مفيش فايدة

المماليك و الترك و لورد كرومر
عملوكى فى جيبهم علبة سوبر
ونفس السوبر حامى عليهم
يا بلدى زباينك قومى اديهم
قابليهم يوم سته اكتوبر

وعلى الله يبقى تعبنا بفايدة

معادنا كان مظبوط شارب
لست سنين لبسنا ايشارب
يلا يا بوب ادينا اشارة
خلينا بقه نهريهم ضرب

و فى عيدهم نبعت كارت معايدة

حاديكو اشارتى من جوه القلب
يلا حبايبى نقوم للحرب
نرد شرفنا و نرد السلب
من الحرامية أولاد الكلب

و كفاية كلام و هاتولى الفايدة

كنت عظيم اوى فى التخطيط
ايوه يا عم زأطط زيط
خد راحتك اوى يوم التنطيط
و آدى هدية ليك مستنية
ختها كاش موش بالتقسيط

خلت قلبى نار قايدة

يا نهار أسود عدى و فات
الراجل العظمة شافه و مات
معرفش يفادى الضربة الخاينة
من وسط ولاده متبقاش باينة
ألف رحمة عليك يا سادات